Wednesday, December 17, 2008

Kya Sugbugahat hai


Kya Sugbugahat hai

Dil ke darwaje par dastak,

Koi apni si ye aahat hai…….

Chilmann se jhakta chandrama,

Chandni si chanchalahat hai………

Kya sugbugahat hai……..

Na kisi se koi baer hai,

Na kisi se koi shikayat hai……

Pighalti barf nafrat ki,

Har chehre par muskurahat hai……..

Kya sugbugahat hai……..

Haan bas sukoon hai sahil mein,

Rahoan mein chawn hai, rahat hai…….

Har pal mein ghuli hai khushi,

Kuch chashnii si tarawat hai…….

Kya sugbugahat hai……..

Koi pukare mujhe door se,

Tasveer mein abhi thodi dhundhlahat hai……..

Par wahi to meri manzil hai,

Haan wahi to meri chahat hai……..

Kya sugbugahat hai……..

Kya sachmuch, wahi meri chahat hai………!!!

Kya sugbugahat hai……..

Kya sachmuch, wahi meri chahat hai………!!!

No comments:

Post a Comment